ہمارا مقصد کوئی سیاست نہیں ہے، کسی فرقے کی دل آزاری نہیں ہے، کوئی حکومت پر نقطہ چینی نہیں ہے۔ ہر شہر میں، ہر محلے میں، ہر گھر میں کچھ دل والے ہوتے ہیں، ان کو نکالنا مقصد ہے اور دل کی آواز انکے دلوں تک پہنچانا مقصود ہے۔
صوفی بزرگ حضرت سیدنا ریاض احمد گوہر شاہی مدظلہ العالیٰ کا مختصر تعارف
اللہ تعالیٰ نے انسانیت کی ہدایت کے لیے انبیاء کرام بھیجے، اور خاتم النبیین حضرت محمد ﷺ پر نبوت کا سلسلہ مکمل ہوا۔ اس کے بعد خلافتِ راشدہ، امامت اور اولیاء کے ذریعے اصلاح و روحانی رہنمائی کا سلسلہ جاری رہا، جو آج تک امت کی خدمت کر رہا ہے۔
اللہ کے برگزیدہ بندوں میں حضرت سیدنا ریاض احمد گوہر شاہی شامل ہیں، جو انجمن سرفروشانِ اسلام (پاکستان) کے سرپرستِ اعلیٰ ہیں۔ آپ نے طویل عرصہ تنہائی اور مجاہدے میں گزارا، پھر حکمِ الٰہی سے خلقِ خدا کی رہنمائی کے لیے واپس آئے۔ آپ کی تعلیمات، بالخصوص ذکرِ قلب، کے ذریعے لاکھوں افراد کے دل اللہ کی یاد سے منور ہوئے، لوگوں نے توبہ کی اور روحانی سکون پایا، حتیٰ کہ مختلف مذاہب سے تعلق رکھنے والے افراد نے بھی فیض حاصل کیا۔
عالمی شہرت کے باوجود آپ کو شدید مخالفت، جھوٹے الزامات اور حملوں کا سامنا کرنا پڑا، مگر تمام مقدمات عدالتوں سے خارج ہوئے اور اللہ تعالیٰ نے اپنے اس برگزیدہ بندے کو ہر سازش سے محفوظ رکھا۔
مکمل تعارف کے لیے یہاں کلک کریں۔
عوامی وضاحت اور آگاہی کا بیان
ہمارے خاندان کے حوالے سے عام لوگوں میں بعض غلط فہمیاں پائی جاتی ہیں، جن کے باعث عقائد اور وابستگیوں کے بارے میں ابہام پیدا ہوا ہے۔ ان غلط فہمیوں کے ازالے اور عوامی آگاہی کے فروغ کے لیے اس حصے کو اپ ڈیٹ کیا گیا ہے۔
سن 2001 سے یونس ملعون نامی ایک شخص سوشل میڈیا پر خود ساختہ عقائد اور تعلیمات پھیلا رہا ہے، جن کا حضرت گوہر شاہیؒ سے کسی بھی قسم کا کوئی تعلق نہیں۔ یہ شخص سوشل میڈیا پلیٹ فارمز پر حضرت گوہر شاہیؒ کی تصاویر بلا اجازت استعمال کرتا ہے، جس کے نتیجے میں عوام الناس میں حضرت گوہر شاہیؒ کی اصل شخصیت، تعلیمات اور مشن کے بارے میں سنگین غلط فہمیاں پیدا ہو رہی ہیں۔
ہم واضح، دوٹوک اور بارہا یہ اعلان کر چکے ہیں کہ حضرت گوہر شاہیؒ، ان کے اہلِ خانہ اور ان کی تنظیم انجمن سرفروشانِ اسلام کا یونس ملعون یا اس کے خود ساختہ عقائد، نظریات اور سرگرمیوں سے کوئی تعلق، وابستگی یا ربط نہیں ہے۔
مزید معلومات کیلئے یہاں کلک کریں
یونس ملعون اور اس کی تنظیم مہدی فاؤنڈیشن انٹرنیشنل اسلام اور ریاست مخالف سرگرمیوں میں ملوث ہے۔
جب گوہر شاہی کا انتقال 27 نومبر 2001 کو ہوا تو یونس نے گوہر شاہی کی ویب سائٹ پر قبضہ کر لیا اور اس ویب سائٹ پر اسلام اور ملک مخالف خیالات کا آغاز کیا۔ جب گوہر شاہی کی اہلیہ کو اس صورتحال سے آگاہ کیا گیا تو انہوں نے فوری طور پر 31 دسمبر 2001 کو مقامی اخبار کے ذریعے یونس کو انجمن سرفروشان اسلام (ر) سے نکال دیا اور کہا کہ آج کے بعد ہمارا یونس کے نام نہاد عقائد اور اس کے کسی عمل سے کوئی تعلق نہیں۔ گوہر شاہی کے خاندان کی طرف سے جو بھی خط یا دستاویز پیش یا شائع کیا جائے گا اس کا نام، پتہ اور مہر ہو گی۔
مزید معلومات کیلئے یہاں کلک کریں