پیغامِ پاکستان
پیغامِ پاکستان قرآنِ مجید، سنتِ نبوی ﷺ اور آئینِ پاکستان کی روشنی میں تیار کردہ ایک متفقہ قومی دستاویز ہے، جسے پاکستان کے ممتاز علماء، دینی اداروں اور جامعات کے ماہرین کی تائید حاصل ہے۔ یہ دستاویز امن، مذہبی ہم آہنگی، رواداری، عدل اور قومی یکجہتی کے فروغ کی نمائندگی کرتی ہے۔
ریاستِ پاکستان کی سرپرستی میں مرتب کردہ یہ دستاویز انتہاپسندی اور تشدد کی نفی کرتے ہوئے بقائے باہمی، روحانیت، باہمی احترام اور قانون کی پاسداری کو فروغ دیتی ہے۔ پیغامِ پاکستان ایک بنیادی قومی ضابطۂ اخلاق کے طور پر پاکستان کو ایک پُرامن، ترقی پسند اور متحد قوم بنانے کے عزم کی عکاسی کرتا ہے۔
